काठमाण्डौ – काठमाण्डौ उपत्यकासहित देशका केही ठाउँमा राति पानी परेको छ । बागमती, गण्डकी र लुम्बिनी प्रदेशका केही ठाउँमा अहिले पनि पानी परिरहेको छ । अरु ठाउँको तुलनामा मकवानपुर, तनहुँ र गुल्मीमा ठूलो पानी परेको छ ।
आज दिउँसो कोशी, बागमती, गण्डकी र लुम्बिनी प्रदेशलगायत पहाडी भूभागका थोरै ठाउँहरुमा र बाँकी भूभागका एक-दुई ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाले पर्सि शनिवारसम्म पूर्वी भू–भागबाट मनसुन प्रवेश हुने प्रक्षेपण गरिसकेको छ ।
